Thursday, May 31, 2012

ရှရီအာ့တ်

ရှရီအာ့တ် ဟု ကြားလိုက်သည်နှင့် “အစ္စလာမ်မစ် ဥပဒေ” ဟု နားလည် ခံစားသွားကြသည်။ ဤသည်မှာ ပညတ်သွားရာ ဓါတ်သက်ပါနေခြင်းသာ ဖြစ်သည်။ အကြောင်းမှာ ကမ္ဘာနှင့်အ၀ှမ်း စာပေများ၊ သတင်းစာများနှင့် Wikipedia များက အစ Islamic Law = ရှရီအာ့တ်ဟု ဖေါ်ပြထားသောကြောင့်ပင်။

ထိုမှ ဆက်၍ ကမ္ဘာ့မွတ်စလင်အများစု နေထိုင်ရာ အရပ်ဒေသများမှ လူသားတို့၏ ရိုးရာဓလေ့ဖြင့် ပြုမူဆောင်ရွက်ချက်များ၊ အရေးယူမှုများကိုပင် ရှရီအာ့တ် အရ ပြုလုပ်သည်ဟု ဆက်လက်ဖေါ်ပြလာတော့သည်။ ဤသည် ရှရီအာ့တ် ဆိုသည့် စကားလုံးအား သေးသိန်စေလျှက် အထင်အမြင်သေးလာစေရန် ရည်ရွယ်ချက်သာ ဖြစ်ပေသည်။

ရရှီအာ့တ် ဟူသည့် စကားလုံးသည် ရှရအ شَرَعَ ပညတ် (၄၂း၁၃)။ ရှရာအူ شَرَعُوا ၀ိနည်း (၄၂း ၂၁)။ ရှို့ရ်အာန် شُرَّعاً စည်းစောင့်လိုက်နာရန် သီလ၊ ဥပေဒ။ ရှေ့ရ်အားတန် شِرْعَةً တရားဥပဒေ (၇း၁၆၃)။ ရှရီအားတင်န် شَرِيعَةٍ ဥပဒေ (၄၅း၁၈)။ ဟူသည့် စကားလုံးမှတို့မှ ဖြစ်သည်။ ဆိုလိုသည်မှာ ရှရီအာ့တ် = ပညတ်၊ ၀ိနည်း၊ ဥပဒေ ဟုသာ ဖြစ်၍၊ ထိုစကားလုံး၏ ရှေ့တွက် အစ္စလာမ့် (Islamic) ဟူသည့် ၀ိသေသန စကားလုံး မပါဝင်ချေ။

ထိုကြောင့် ရှရီအာ့တ်ကို မုန်းတီးသူ၊ ရွံရှာသူ၊ မလိုလားသူများသည်-၊ ပညတ်၊ ၀ိနည်း၊ သီလ၊ ဥပဒေ များကို မလိုလားသူ- စည်းပျက်ကမ်းပျက်နေထိုင်လိုသူများသာ ဖြစ်သည်ဟု နားလည်နိုင်ပေသည်။

ဤနေရာ၌ အစ္စလာမ် သာသနာဝင်များ အနေဖြင့် ရှရီအာ့တ် ဟူသည့် ဝေါဟာရအား အထင်အမြင် မှားယွင်းနေခြင်း အတွက် ဖြေရှင်းပြရန်မှာ မွတ်စလင်၌လည်း တာဝန်မကင်းပေ။ မွတ်စလင်များကိုယ်တိုင်က “ရှရီအာ့တ် = အစ္စလာမ့် ဥပဒေ” ဟု ရှေ့မှ အထူးပြု ၀ိသေသန မပါသည့် “အစ္စလာမ့်” ဟူသော စကားလုံးအား စွဲမြဲ မြင်မှတ်နေသောကြောင့်ပင်။

ထိုသို့ ဖြစ်လာသည်မှာလည်း အကြောင်းရင်းများ ရှိနေသည်။ အစ္စလာမ်သာသနာ မပေါ်ထွန်းမှီကာလက ကမ္ဘာ့လူသားများ တွင် ရိုးရာဓလေ့များမှအပ- ငြိမ်းချမ်းစွာ အတူနေထိုင်သည့် လူ့ဘောင်တစ်ခု တည်ဆောက်ရန်၊ ကြီးနိုင်ငယ်ညှင်းမှုကင်းရန်၊ လွတ်လပ်စွာ ကိုးကွယ်ဆည်းကပ်နိုင်ရန်၊ သက်ဆိုင်ရာ တိုင်းဒေသအား သက်ဆိုင်ရာ လူမျိုးခေါင်းဆောင်ကိုသာ ခန့်အပ် အုပ်ချုပ်စေရန် ဥပဒေနှင့် ပညာပေး ဘာသာတရားဟူ၍ မရှိခဲ့ချေ။

ထို့မတိုင်မှီက အုပ်ချုပ်ခဲ့သော ရောမအင်ပါယာ- ထို အင်ပါယာသည် ခရစ်ယာန်ကို ကိုယ်စားပြု၍ ခရစ်ယာန်အား သက် ဆိုင်ရာ သူတို့လူမျိုးမှအပ အခြားလူမျိုးများအား အုပ်ချုပ် အကြီးအကဲ ခန့်အပ်ခြင်းများ မရှိခဲ့သကဲ့သို့၊ ခရစ်ယာန်အား မယုံ ကြည်သူများကို သာသနာပြုစစ်များ ဆင်နွဲခဲ့သည်။ ထိုမတိုင်မှီမှ အလက်ဇန်းဒါးသည် ဂရိတ် သည်လည်း- သူသိမ်းပိုက် အုပ်ချုပ်တစ်လျှောက်တွင် သူယုံကြည်သည့် ဂရိနတ်ဘုရား (ထာဝရဘုရား)၏ ပုံကိုသာ ထုဆစ်ကိုးကွယ်စေခဲ့သည်။ အကြောင်းမှာ သူ့ (အလက်ဇန်းဒါးသည် ဂရိတ်)တွင် လူသား ဖခင်ဟူ၍ မရှိ၊ သူသည် မိခင်ကြီး အိုလန်ပီယာ့စ်အား ထာဝရ ဘုရားအားဖြင့် မွေးဘွားသူ ဖြစ်၍၊ ဘုရင်ကြီး ဖိလစ်မှာ အမည်ခံပေးရသော ဖခင်သာ ဖြစ်သည်-ဟု တိုင်းပြည်အနှံ့ သက်ဝင်ယုံကြည်စေသည်။ ထိုသို့မယုံကြည်သူသည် သာသနာပျက်ဖြစ်၍- သာသနာပျက်တို့အား ဆုံးမသည့် ပြစ်ဒဏ် (သေဒဏ်)ကို ပေးခဲ့သည်။ သို့ဖြင့် ဘာသာတရား လွတ်လပ်ခွင့်ဟူ၍ မရှိခဲ့ချေ။ ထိုမှ ဆက်နွယ်လာသော ခရစ်ယာန် ကိုယ် စားပြု ရောမအင်ပါယာသည်လည်း အလက်ဇန်းဒါးသည် ဂရိတ်၏ ခြေရာနောက်သို့ လိုက်ခဲ့တော့သည်။

အစ္စလာမ် သာသနာပေါ်ထွန်းလာသည့်အခါတွင် အစ္စလာမ်သာသနာသည် ရုပ်ပိုင်း၊ နာမ်ပိုင်းကို လမ်းညွှန်နိုင်ခဲ့သည်။ ရုပ် ပိုင်းဆိုင်ရာအရ လူတိုင်း၊ သတ္တ၀ါတိုင်း၏ ဘ၀ အား ငြိမ်းချမ်းစွာ တည်ဆောက်နိုင်ရန် ဥပဒေများကို ချမှတ်ပေးခဲ့သည်။ အစ္စလာမ်အား မယုံကြည်သည် လွတ်လပ်စွာမယုံကြည်ခွင့်ရှိ၍-၊ ထိုမယုံကြည်မှုကြောင့် သူ၏ အခွင့်အရေးအား စော်ကား ခွင့် မရှိချေ။

စစ်ရေးတွင်လည်း မိမိအား စစ်တိုက်လာသည့် (ရန်သူတပ်) စစ်သားများကိုသာ ပြန်လည်တိုက်ခွင့်ရှိပြီး- စစ်ပွဲတွင် မပါဝင် သည့်သူများ၊ သက်ကြီးရွယ်အိုများ၊ အမျိုးသမီးများ၊ ဒုက္ခိတများ၊ ကလေးသူငယ်များအား လုံးဝ တိုက်ခိုက် ခြေမှုန်းခွင့် မရှိ ချေ။ ထို့ကြောင့် အစ္စလာမ့် သမိုင်းတွင် မည်သည့် လူမျိုးကိုမျှ မျိုးပြုတ်သတ်ဖြတ်ခဲ့သည်ဟူသည့် အစွန်းအထင်း မကျန်ရစ် ပေ။

နာမ်ပိုင်းဆိုင်ရာတွင်- “ပရမတ်ဘုရားရှင်မှ အပ အခြားဘုရားဟူ၍ မရှိ၊ ကိုယ်တော်မုဟမ္မဒ်သည် အရှင်၏ ဉာဏ်စဉ်ဆောင် ဖြစ်၏”ဟု သွန်သင်သည်။ ဆိုလိုသည်မှာ အစ္စလာမ်မတိုင်မှီမှ လူသားများတွင် ကိုယ်စီဓလေ့ဖြင့် ကိုးကွယ်ဆည်းကပ်မှုများ ရှိနေသည်။ ထိုကိုယ်စီ ယုံကြည်ကိုးကွယ်မှုများဖြင့် အချင်းချင်း ပြိုင်ဆိုင်ကြလျှက် သူ့ဘုရားက မြတ်သည်၊ ငါ့ဘုရားက သာ သည်ဟု ကွဲပြား ငြင်းခုံနေလျှက်- တစ်ကယ့်လက်တွေ့ သာသနာရေး ကျင့်စဉ်များအား ကျင့်ဆောင်ရန် ပျက်ကွက်နေတော့ သည်။ တနည်းအားဖြင့် လက်တွေ့တည်ဆောက် ကျင့်ကြံရမည့် အစား ငြင်းခုံရင်းဖြင့် အချိန်ကို ဖြုန်းတီးပစ်နေတော့သည်။ ထိုအခြေအနေမှ ကင်းလွတ်ရန်- မည်သူများ ပြောဆိုနေသည့် ဘုရားသည်မျှ ဘုရားစစ် မဟုတ်၊ ထိုသို့ ဘုရားဟု ပညတ်ခံ နေရသော ပုဂ္ဂိုလ်များသည် ဉာဏ်စဉ်ရ၊ ဉာဏ်စဉ်ဆောင် ပုဂ္ဂိုလ်များသာ ဖြစ်၍ သူတို့ ကိန်းဆိုက်သော ဉာဏ်စဉ်အားဖြင့် သိသည့် ဓမ္မအား လိုက်နာကျင့်ဆောင်ရန်သာ ဖြစ်သည်။ ထိုဓမ္မ ဆိုသည်မှာ လောကနိယာမ အဖြစ် ပြဌာန်းထားသော အရာ ဖြစ်လျှက် ၎င်းအား ပြဌာန်းရှင်မှာ ပရမတ်ဘုရား (အလ္လာဟ်) ဖြစ်သည်။ ထိုအရှင်သည် လူ နတ် ဗြဟ္မာ သတ္တ၀ါ၊ စကြာဝဠာအားလုံး၏ ဇစ်မြစ်ရှင် ဖြစ်သည်။ လူ နတ် ဗြဟ္မာ သတ္တ၀ါ စကြာ အပေါင်း၏ တစ်ဆူတည်းသော ဘုံ ဘုရားရှင် ဖြစ်သည်။ ထိုအရှင်အား ချည်းကပ်နည်းအမှန်ဖြင့် ဆည်းကပ်ကျင့်ကြံနိုင်မှသာလျှင် ဉာဏ်စဉ်ရေးရာ မြင့်မားလာမည်၊ ပေါက်မြောက်လာမည်-ဟု၊ လမ်းကို ပြပေးသည်။

ထိုသို့ ရုပ်ပိုင်း နာမ်ပိုင်းဆိုင်ရာကို ပြပေးသည့် ကိုယ်တော်မုဟမ္မဒ်ကိုပင် လူဘုရားအဖြစ် မဆည်းကပ်မကိုးကွယ်မိစေရန်- ကိုယ်တော်သည်ပင် ပရမတ်ဘုရား၏ ဉာဏ်စဉ်ဆောင်မျှသာ ဖြစ်၏၊ အခြားသော ဘာသာရေးဆိုင်ရာ ပွင့်ပေါ်ခဲ့သည့် ခေါင်းဆောင်များသည်လည်း ဉာဏ်စဉ်ဆောင်များသာ ဖြစ်သည်-ဟု ဘာသာရေးဆိုင်ရာ တန်းညှိပေးခဲ့သည်။ ဤသည်မှာ မည်သည့်ဘာသာတရားကိုမျှ စော်ကားခြင်း မဟုတ်ချေ။

လူသားချင်းကြား ဘုံဥပေဒ၊ ဘုံကိုးကွယ်မှု- ကမ္ဘာ့ပြည်ထောင်စု စိတ်အား စတင် သန္ဓေတည်ပေးခဲ့ခြင်းသာ ဖြစ်သည်။ ထိုမှ စ၍ ကျယ်ပြန့်လာသည့် အစ္စလာမ့် ယုံကြည်မှု အင်ပါယာသည်- ယခင်က ဥပဒေ မရှိသည့် ဒေသများသို့ လွှမ်းမိုးပျံ့နှံ့လာ သောအခါတွင် ထိုဥပဒေမဲ့ လူမျိုးများ၊ တိုင်းဒေသများ၌ “ဥပဒေ” ဖြင့် နေထိုင်တတ်လာတော့သည်။ ထိုဥပဒေဟူသည့် စကားလုံကို အစ္စလာမ်သာသနာက “ရှရီအာ့တ်”ဟု ခေါ်ဆိုခဲ့သည်။- တနည်းအားဖြင့် ကမ္ဘာ၌ တိကျသေချာသော “ဥပဒေ” ကို အစ္စလာမ် သာသနာက စတင်သင်ပြပေးခြင်းသာ ဖြစ်သည်။ ထို့ကြောင့် “ရှရီအာ့တ်- ဥပဒေ” ဟူသည့် စကားလုံးအား ရှေ့မှ “အစ္စလာမ့်”ဟုသည့် ၀ိသေသန အားဖြင့် ခေါ်တွင်လာတော့သည်။

ဤနေရာ၌ အထူးမှတ်ရန်မှာ ဥပဒေနှင့် လူတစ်မျိုး၊ လူတစ်စု၏ ပြုမှုဆောင်ရွက်ချက်သည် မတူညီ ဟုသည့် အချက်ပင်။ ဥပမာ အားဖြင့် ရှမ်း လူ့အခွင့်အရေး ဖေါင်ဒေးရှင်း နှင့် ရှမ်းအမျိုးသမီးများ လှုပ်ရှားမှု ကွန်ယက် The Shan Human Rights Foundation (SHRF) & The Shan Women's Action Network (SWAN) မှ ၂၀၀၂ ခုနှစ် မေလတွင် တင်ပြသည့် license to rape စာတမ်းအား ကြည့်လျှက် မြန်မာလူမျိုး (စစ်သား)များက ရှမ်းအမျိုး သမီးများကို အဓမ္မပြုကျင့်ခွင့် လိုင်စင်ပေးထားသည်- ဟု မရှုမြင်သင့်ပေ။ ထိုစကားလုံးမှာ မြန်မာအစိုးရ အနေ ဖြင့် မြန်မာလူမျိုးများ ရှမ်းအမျိုးသမီးများအား မုဒိန်းကျင့်ခွင့်ကို ဥပဒေဖြင့် ခွင့်ပြုထားသည်။ ထို့ကြောင့် လိုင်စင် ပင် ထုတ်ပေးထားသည်ဟု ပြောဆို၍ မရပေ။

အလားတူပင်- အစ္စလာမ် သာသနာကို ကိုးကွယ်ယုံကြည်ပါသည်ဟု ပြောဆိုသော လူသား တစ်ဦးချင်း၏ ပြုမှု ဆောင်ရွက်ချက်များသည် ရှရီအာ့တ် (ဥပဒေ) ကို ကိုယ်စားမပြုပေ။ ထိုလူတစ်ဦးချင်းကိုသာ ကိုယ်ကျင့်တရား ကောင်းမွန်လာရန်၊ ငြိမ်းချမ်းစွာ အတူနေထိုင်တတ်ရန်၊ ငြင်းခုံနေခြင်းထက် ကိုယ့်အလုပ်ကိုယ်လုပ်ရန်၊ စသည့် စည်းဘောင်များအား သွန်သင်ပေးခြင်း၊ ကြပ်မတ်ပေးခြင်းသာလျှင် ဥပဒေ (ရှရီအာ့တ်) ဖြစ်ပေသည်။

Tuesday, May 29, 2012

ဤဘလော့အား ဖန်တီးရသည့် အကြောင်းအရင်း


ကျွန်တော်တို့ ယုံကြည်လက်ခံ ကိုးကွယ်ရာဖြစ်သော အစ္စလာမ်ဘာသာအား ဦးတည်တိုက်ခိုက် စော်ကားသော အသုံးအ နှုံးများဖြင့် တင်ထားသော ဘလော့များ၊ ပိုတ်စ့်များ၊ ကွန့်မန်များမှာ တဖြည်းဖြည်း များသထက် များလာပြီး တိုင်းရင်းသား အစ္စလာမ်ဘာသာ ၀င်များအား စော်ကားခြင်း၊ နိုင်ငံခြားသားအဖြစ် စွပ်စွဲလာခြင်း၊ ဘာသာရေးနှင့် ပတ်သက်ပြီး မတော်တရော် မေးခွန်းများ မေးမြန်း လာခြင်း၊ စိတ်ဓါတ်ရေးရာ အလဲထိုးသည့် နည်းဗျူဟာကို သုံးလာသဖြင့် ထိုအရာများ အားလုံး ကို ဖြေရှင်းပေးရန် ဤဘလော့အား ဖန်တီး ရေးသားခဲ့ရခြင်း ဖြစ်ပါသည်။

ဤဘလော့သည် မည်သည့် ဘာသာ၊ သာသနာ၊ လူမျိုးကိုမျှ ပြန်လည် တုန့်ပြန် စော်ကားရန်ဟူသည့် ရည်ရွယ်ချက်မျိုး မရှိပါ။ လက်တလော အွန်လိုင်းတွင် အစ္စလာမ်ဘာသာအပေါ် စော်ကားမှု့များအား ပြန်လည်ဖြေရှင်းရင်းဖြင့် ဤဘလော့အား ၀င်ရောက် ဖတ်ရှုသူတိုင်းကို နားလည်စေရန် တချို့သော အမှန်တရားကို လစ်ဟပြခြင်း၊ ဘာသာတရား ၂ ခုကို နှိုင်းယှဉ်ပြီး ပြောရခြင်း၊ မြန် မာ့သမိုင်း၊ ကမ္ဘာ့သမိုင်းများကို ရှင်းပြရင်းဖြင့် တဖက်လူကို ပြန်လည် စိတ်ခုစရာများ ဖြစ်ခဲ့လျှင် နားလည် ပေးကြပါရန် မေတ္တာရပ်ခံပါသည်။

ကျွန်ုပ်၏ တင်ပြမှုတိုင်းကို လွတ်လပ်စွာ ပြန်လည် ဆွေးနွေးနိုင်ပါသည်။ ကျွန်ုပ်ဘက်မှလည်း အချိန်ကို ရသလောက် ပေးပါမည်။ သို့သော် အဓိပ္ပါယ်ရှိသော ဗဟုသုတဖြစ်စေသော ဆွေးနွေးမှုမျိုးသာ ဖြစ်စေလိုပါသည်။ လူတိုင်းတွင် အားနည်း ချက် အားသာချက် ရှိနိုင်သည် ထို့အတွက် ကျွန်ုပ်ဘက်မှ အပြည့်အ၀နားလည်ပေးရန် အစဉ်ကြိုးစားလျှက် ရှိပါသည်။

ကျွန်ုပ် တင်ပြသော ဘာသာရေး အတွေးအခေါ်များ၊ သမိုင်းအထောက်အထားများ မှားယွင်းပါသည်ဟု တန်ပြန် စောကြောလာ လျှင်- တစ်ကယ့် တိကျသော ဗဟုသုတ ရှိသူ၊ စေတနာကောင်းဖြင့် ဆွေးနွေးလိုသူ၊ အပြန်အလှန် ပွင့်လင်းသော ဗဟု သုတကို ဖလှယ်လိုသူ မည်သူနှင့်မဆို ပြန်လည် ဆွေးနွေးဖလှယ်ရန် အဆင့်သင့်ရှိ၍ islaminmyanmar.contact@gmail.com သို့ မေးလ်ပို့ ကာ ဆွေးနွေးနိုင်ပါသည်။ ဆွေးနွေးချက်မှန်သမျှကို တစ်လုံးမျှ မတည်းဖြတ်ဘဲ မူရင်းဆွေးနွေးချက်အတိုင်း အများ သူငှါ ဖတ်လို့ ရအောင် ဘလော့တွင် တင်ပြပေးသွားပါမည်။

ဘလော့ပိုတ်စ့် တခုတွင် ကွန်မန့်ပေးလာလျှင် အဆင့်အတန်း မရှိဘဲ ရေးချင်ရာ ရေးသွားသော ကွန်မန့်များကို ပြန်လည် ဖြေပေး မည် မဟုတ်ပါ… အပြုသဘောဖြင့် မေးမြန်းသိရှိလိုသူမှန်သမျှကို အတတ်နိုင်ဆုံး လက်ခံ ဖြေကြားပေးပါမည်။

ကျွန်ုပ်အား ဆဲဆို၊ ပုတ်ခတ်၊ နောက်ကွယ်၌ မကောင်းဝါဒ ဖြန့်သော သူများလည်း “သူ့ထန်းလျှက် သူစားပါစေ” ဟုသာ သဘောထား ပါသည်။ ကျွန်ုပ်ဘက်မှ မည်သူ့ကိုမှ မစော်ကားပါ။ ကျွန်ုပ်တွေ့သိသော သစ္စာ (အမှန်တရား) အား လူသားထု ကြား၌ ချပြရာမှ တွန့်ဆုတ်သွားမည် မဟုတ်ပါ။ (အပြောချည်းသက်သက်သည် အလုပ်မဖြစ်၊ လက်တွေ့ ကျင့်ဆောင်ရန် လိုအပ်သည်-၊ ဖြစ်သကဲ့သို့။ လက်တွေ့ကျင့်ဆောင်နိုင်ရန် လက်တွေ့မှန်သော လမ်းစဉ်လည်း ဖြစ်ရန် အရေးကြီးပါသည်။ လက်တွေ့များတွင် မှားယွင်းနေပါလျှက် လိုက်နာကျင့်ဆောင်ခိုင်းသော မမြင်ကွယ်ရာမှ စိတ်ကူးပုံရိပ်များအား မည်သို့ စိတ် ချရမည်နည်း- ဟူသည်ကို စာဖတ်ပရိတ်သပ်များ သတိထားဆင်ခြင်နိုင်ကြစေရန် ရည်ရွယ်ပါသည်။)

မေးလ်တိုက်ရိုက်ပို့လိုလျှင်-

foxyform.com


သူရိယ

အစ္စလာမ် သည် ငြိမ်းချမ်းသော သာသနာ ဖြစ်သည်


အစ္စလာမ်သာသနာ၏ မှတ်ကျောက်ဖြစ်သော၊ မွတ်စလင်မ်တို့ရဲ့ ဘဝလမ်းညွှန်ဖြစ်သည့် ကျမ်းတော်မြတ်ကုရ်အာန်ကို စဖွင့်လိုက်လျှင် ဖွင့်လိုက်ချင်း 

ဆိုသည့်စာသားကိုတွေ့ရမည်ဖြစ်သည်။

ထိုစာကြောင်းထဲတွင်ပါသော အရ်ရဟ်မာန် (အနန္တဂရုဏာတော်ရှင်)၊ အရ်ရဟီးမ်  (သနားကြင်နာတော်မူသောအရှင်) ဆိုသည့် အဓိပ္ပါယ်ရသည့် စာသားများကို တွေ့ရပြန်ပါသည်။

ဤသည်ကို ကြည့်ခြင်းအားဖြင့် ကျမ်းမြတ်ကုရ်အာန်ကို စတင်လှစ်ဟသည့် ပထမဆုံး စာမျက်နှာတွင်ပင် အစ္စလာမ် သာသနာ သည် ဂရုဏာတရား၊ သနားကြင်နာခြင် များဖြစ်သော ငြိမ်းချမ်းရေးတရားများကို ဖော်ညွှန်းထားကာ အတွင်း စာသားများတွင် မည်မျှ ငြိမ်းချမ်းသည့် တရားများကို ထည့်သွင်း သင်ကြား လမ်းညွှန်ထားမလဲဆိုတာ မှန်းဆရုံဖြင့်ပင် အစ္စလာမ်သည် ငြိမ်းချမ်းသာ ဂရုဏာတရားတို့ဖြင့် လွှမ်းခြုံထားသော  သာသနာဖြစ်ကြောင်း သိနိုင်ပါသည်။

ထို့ပြင် အစ္စလာမ်တွင် အရေးအပါဆုံးဖြစ်သော စကြဝဋ္ဌာ လောကခပ်သိမ်း၏ ဖန်ဆင်းရှင် “အလ္လာဟ်အရှင်မြတ်” ၏ ဂုဏ်တော်များ ထဲမှ တစ်ခုသည် “အလ်စလာမ် = ငြိမ်းချမ်းစေတော်မူသောအရှင် ဖြစ်သည်” (၅၉း ၂၃)

 အစ္စလာမ်၏ ပြီးပြည့်စုံသော ဘဝလမ်းညွှန်ကျမ်းဖြစ်သည့် ကျမ်းမြတ်ကုရ်အာန်၏ ဂုဏ်ပုဒ်များထဲမှ တစ်ခုသည် “ငြိမ်းချမ်း သာယာစေသော ကျမ်းဖြစ်သည်။” (၅း၁၆)

ထို ကုရ်အာန်ကျမ်းမြတ်ကို ဖဝါးခြေထပ် လိုက်နာကျင့်သုံးပြခဲ့တဲ့ လမ်းမှန်အလင်းပြ ပုဂ္ဂိုလ်ဖြစ်တဲ့ တမန်တော်မြတ်ကြီး (ဆွ) ရဲ့ ဂုဏ်ပုဒ်က “စကြဝဋ္ဌာလောကခပ်သိမ်း၏ ဂရုဏာတော်ရှင်” ဖြစ်သည်။ (၂၁း၁၀၇)

ခုလို မေတ္တာတွေ၊ ဂရုဏာတွေ၊ သနားကြင်နာမှုတွေ နဲ့ ထုံမွှမ်းထားတဲ့ သာသနာမှာ “ငြိမ်းချမ်းသော အစ္စလာမ်သာသနာ” ပင် ဖြစ်ပေသည်။

ငြိမ်းချမ်းရေး
Oxford Advanced Learner’s Dictionary တွင် Peace ငြိမ်းချမ်းရေးကို
(၁)  တိုင်းပြည်တစ်ပြည်၊ နေရာတစ်နေရာတွင် စစ်မဖြစ်သော၊ အကြမ်းဖက်မှုကင်းသော အချိန်ကာလ၊
(၂)  တည်ငြိမ်အေးချမ်းနေသည့် အခြေအနေ၊
(၃) ငြင်းခုံမှုမရှိဘဲ အချင်းချင်း ရင်းနှီးဖော်ရွေ သင့်မြတ်မှုရှိသည့် အခြေအနေ ဟု ဖော်ပြထားပါသည်။
ထို့ပြင် ပညာရှင်များကလည်း အမျိုးမျိုးအဓိပ္ပါယ်ဖွင့်ဆိုကြပါသည်။

လူတစ်ဦးနှင့်ပက်သက်၍ သူ၏ခန္ဓာကိုယ်နှင့် ပစ္စည်းဥစ္စာများထိခိုက်မှုမရှိဘူး၊ အကြမ်းဖက်မှုမခံရဘူး။ လုံခြုံမှုရှိမည်ဆိုလျှင် ထိုအခြေအနေကို ငြိမ်းချမ်းသည်ဟု ဆိုနိုင်သည်။ တစ်ဦးထက်ပိုလာလျှင် အချင်းချင်းတစ်ဦးနဲ့ တစ်ဦးကြားတွင် ပဋိပက္ခ မရှိဘူး။ စည်းလုံးမှုရှိတယ်။ အကောင်းမြင်ဝါဒ Optimistic ရှိမယ်။ မတူညီမှု၊ ကွဲပြားမှုများကို ညှိညှိနှိုင်းနှိုင်း ဆောင်ရွက် မည်ဆိုလျှင် ငြိမ်းချမ်းမှု ရနိုင်ပါသည်။

နိုင်ငံအနေနှင့် ကြည့်မည်ဆိုလျှင်လည်း ထိုနိုင်ငံတွင် စစ်မဖြစ်ဘူး။ တရားမျှတမှုရှိမယ်။ အခြားနိုင်ငံ၏ အကြမ်းဖက်မှု မခံရ ဘူး။ နိုင်ငံလုံခြုံမှု (security) ရှိမည်ဆိုလျှင် ထိုနိုင်ငံသည် ငြိမ်းချမ်းနိုင်မည်ဖြစ်သည်။

လောကီ လောကုတ္တရာ နှစ်ဋ္ဌာနစလုံးတွင် အောင်မြင်မှုရမည်ဆိုလျှင် ထာဝရပြီးပြည့်စုံသော ပျော်ရွှင်ချမ်းမြေ့ဖွယ် ငြိမ်းချမ်း ရေးကို ရနိုင်ပါသည်။ (၁၉း ၆၀-၆၂)

ငြိမ်းချမ်းရေး ၂ မျိုးရှိသည်။
(၁) Positive Peace   (ရွှေအတိပြီးသော၊ ပကတိငြိမ်းချမ်းရေး)
(၂) Negative Peace ( ရွှေရည်စိမ် ငြိမ်းချမ်းရေး)

ရွှေအတိပြီးသော ငြိမ်းချမ်းရေး (Positive Peace) ကသာ ထာဝရမပျောက်ပျက်သော ငြိမ်းချမ်းရေးဖြစ်သော်လည်း ရွှေရည် စိမ်ငြိမ်းချမ်းရေး (Negative Peace) မှာမူ ကြာရှည်မခံဘဲ အရောင်ကျ မှေးမှိန်ကာ ငြိမ်းချမ်းရေး အရည်ခြုံသာ ဖြစ်ပေသည်။

ငြိမ်းချမ်းရေး ကို ဖြိုဖျက် နေသူများ

(၁၇.၃.၂၀၀၈) ရက်နေ့ထုတ် ရောင်ခြည်မိုး သတင်းဂျာနယ်တွင် CNN မှသတင်းတစ်ပုဒ်ကို ဦးသန်းထွန်း (တောင်ပြင်) ပြန် ဆိုရေးသားချက်တွင်-
အမေရိကန်တွင်ရှိသော ရေနံစည် သန်းထောင်ပေါင်း ၂ဝ သည် နောင် ၁၂ နှစ်အတွင်း ကုန်ဆုံးသွားမည်ဟု ခန့်မှန်း တွက် ချက်ထားပြီး ရေနံအသုံးပြုမှုများသဖြင့် ၆၀% ကို ပြင်ပမှ တင်သွင်းနေရကြောင်း၊ အီရတ်ကို အမေရိကန်တို့ ဝင်ရောက် ကျူး ကျော်မှုမှာလည်း အမေရိကန်လိုအပ်နေသော ရေနံများရရှိရေးအတွက်သာ ဖြစ်သည် ကို ကမ္ဘာ့နိုင်ငံ များမှလည်း နားလည် ထားကြကြောင်း ရေးသားထားပါသည်။ ထို့ပြင် အမေရိကန်နိုင်ငံသည် မည်သည့်အခါမျှ သူ့နိုင်ငံအား ကျူးကျော်စော်ကား တိုက်ခိုက်ခြင်း မခံရဖူးသည့်အတွက် စစ်ကြောင့်သေဆုံးရမှုများနှင့် စစ်ဘေးဒုက္ခများကိုသိမြင်နိုင်မှာ မဟုတ် ဘူးဆိုသည့် ရေးသားချက်အရဆိုလျှင် အမေရိကန်တို့သည် ကိုယ်ချင်းစာတရားမရှိမှု၊ မေတ္တာတရားခေါင်းပါးမှု၊ အတ္တကြီးစွာ ကိုယ်ကျိုး ကြည့်မှု စသည့် လူသားချင်းစာနာထောက်ထားမှုကင်းမဲ့သည့် ဖြစ်ရပ်များကို တွေ့မြင်ရပါသည်။

ဆက်လက်၍ ထိုဆောင်းပါးတွင်ပင် နယူးယောက်မြို့ကမ္ဘာ့ကုန်သွယ်ရေးအဆောင်အဦး (World Trade Center) ကြီး အကြမ်း ဖက် တိုက်ခိုက်ခံရစဉ်က သေကြေဆုံးရှုံးမှု ဖြစ်ရပ်ထက် အီရတ်စစ်ပွဲကြောင့် စစ်ဘေးဒဏ်နှင့် စစ်ဘေးဒုက္ခများမှာ အ ဆ တစ်ထောင်မက ပိုပြီး ဆိုဝါးလှပါတယ်ဆိုပြီး ဗြိတိန်နိုင်ငံသား ခရစ္စတိုဖာကင်းက ရေးသားဖော်ပြထားတာကို ဦးသန်းထွန်း (တောင်ပြင်) ကဘာသာပြန်ဖော်ပြထားပါတယ်။  ထို World Trade Centre ကြီး ဖြိုခွဲမှုမှာလည်း အစ္စလာမ် သာသ နာကို အကြမ်းဖက် သာသနာ ဆန်ဆန် ဖြစ်အောင် လုပ်ကြံရေးသားနေကြသည်။

စင်စင် ထိုကဲ့သို့ ဖျက်လိုဖျက်စီး မလုပ်ရန် အစ္စလာမ်သာသနာက သင်ထားပေးထားပြီး ဖြစ်သည်။

ကျမ်းမြတ်ကုရ်အာန် စူရာဟ် ၇ အာယတ်တော် ၅၆ တွင်

“အသင်တို့သည် ကမ္ဘာမြေပေါ်တွင် ပျက်စီးရာ ပျက်စီးကြောင်း မပြုလုပ်ကြနှင့်” ဟုပင် လမ်းညွှန်ထားပါသည်။

ထို့ကြောင့် ထိုလုပ်ရပ်သည် အစ္စလာမ်သာသနာနှင့် မည်သို့မှ မသက်ဆိုင်ပါ။ ထို့ပြင် အစ္စလာမ်သာသနာသည် လူသားများ အား အဓိပ္ပါယ်မဲ့ နိုင်ထက်စီးနင်းလုပ်ပြီး မြေနိမ့်ရာ လှံစိုက်ဖို့ဝေးစွ၊ လူတစ်ယောက်ကို သတ်ရင်တောင် လူသားမျိုးနွယ် တစ်ခုလုံး သတ်သလို ဖြစ်သလို လူတစ်ယောက်ရဲ့ အသက်ကို ကယ်တင်ခြင်းသည် လူသားမျိုးနွယ် တစ်ရပ်လုံး၏ အ သက်ကို ကယ်တင်သလိုပဲဖြစ်သည်။ (၅း ၃၂) ဆိုသော မိန့်ဆိုချက်ကို ကြည့်လျှင် အကြောင်းမဲ့ သတ်ဖြတ်ခြင်းကို လုံးဝ လက်မခံကြောင်း၊ ကောင်းကျိုးပြုရမည်ဟုသာ သင်ကြားထားကြောင်း သိနိုင်ပါသည်။

ကမ္ဘာပေါ်တွင် မွတ်စလင်မ်နိုင်ငံ ၅၇ နိုင်ငံရှိသည့်အနက် အနုမြူဗုံးပိုင်ဆိုင်သော နိုင်ငံသည် ပါကစ္စတန် တစ်နိုင်ငံထဲ ရှိ သည်ကို သုံးသပ်မည်ဆိုလျှင် မွတ်စလင်မ်များသည် လူသားများ၏ ဆိုးကျိုးကို ဖန်တီးသည်ဟု စွပ်စွဲလျှင်တောင် ရာခိုင်နှုန်း အနဲဆုံးဆိုတာ ထင်ရှားနေပါသည်။ ထို့ပြင် အီရတ်စစ်ပွဲတွင်လည်း အီရတ်ကို စစ်ပွဲမဆင်နွှဲရန် ကမ္ဘာ့ကုလသမဂ္ဂအဖွဲ့က တားနေသည့်ကြားမှ အမေရိကန်နှင့် မဟာမိတ်နိုင်ငံများ ပူးပေါင်းပြီး စစ်ပွဲကို ဆင်နွှဲခဲ့ကြပါသည်။ ထိုစစ်ပွဲကြောင့် အီရတ် တွင် အပြစ်မဲ့သော ပြည်သူ၊ လူကြီးသူမ၊ ကလေးသူငယ်ပေါင်းများစွာ ဒုက္ခဆင်းရဲခံပြီး၊ အသတ်ခံနေရခြင်းမှာ ၅ နှစ်တိုင် ရှိ ခဲ့ပြီ ဖြစ်သည်။
(၂၀၀၈ ခုနှစ်ကရေးသော ဆောင်းပါးအတိုင်း ပြန်ရေးသားခြင်းဖြစ်ပါသည်)။

ထို ၅နှစ်တာ ကာလအတွင်းတွင် အပြစ်မဲ့သော အီရတ်ပြည်သူ  ၆သောင်းမှ ၁သိန်း အထိ အသတ်ခံရပြီးပါပြီ။ ဤ စာရင်း သည် အမေရိကန်တို့ပြောသော အရေအတွက် ဖြစ်သည်။

ကမ္ဘာ့မီဒီယာလောကကို သူတို့က ချုပ်ကိုင်ထားသည့်အတွက် အရေအတွက် အမှန်ကိုတော့ သူတိုသာလျှင်အသိဆုံး ဖြစ်ပေမည်။ ထိုကဲ့သို့ အပြစ်မဲ့သော လူသိန်းချီအောင် သတ်နေကြသည့် ရက်စက်ကြမ်းကြုတ်ပြီး လူလူချင်း ထောက်ထား စာနာစိတ်မရှိတဲ့ အမေရိကန်ကို အကြမ်းဖက်ဝါဒီတွေ၊ စစ်သွေးကြွ တွေဟု ကမ္ဘာက မသတ်မှတ်လျှင် ဘယ် လို လူတွေကို စစ်သွေးကြွဝါဒီဟု သတ်မှတ်မည်လဲ ဆိုသည်ကို စဉ်းစားမရလောက်အောင်ကို ဖြစ်ရပါသည်။

အစ္စလာမ်ကို အကြမ်းဖက်သမားများဟု အမည်ပေးသူတွေ၊ မီဒီယာတွေမှ တစ်ဆင့် မဟုတ်မတရား ဇာတ်လမ်းဆင် ပြော ဆိုနေမှုများကို ပြုလုပ်နေကြသူများသည် ဂျပန်နိုင်ငံ ဟီရိုရှီးမားနှင့် နာကာတာကီမြို့များကို အနုမြူဗုံးနှင့် ကြဲခဲ့သူများဖြစ် သည်။ ထိုသို့ အနုမြူဗုံးသင့်ခဲ့သော မြို့သူမြို့သားများသည် နှစ်ပေါင်းများစွာကြာသည်အထိ အတိ ဒုက္ခမျိုးစုံရောက်ခဲ့ကြရ ပါသည်။ ထိုသို့ မျိုးဖြုတ် သတ်ဖြတ်ခဲ့ခြင်းသည် ပန်းဖြင့် ပေါက်ခဲ့ခြင်း မဟုတ်ပေ။ လူသား မျိုးနွယ်ထုတွေကို မျိုးဖြုတ် သတ်ဖြတ် ခဲ့ကြတာဖြစ်သည်။ တိရစ္ဆာန်တွေတောင် မျိုးမသုဉ်းအာင် ထိန်းသိမ်းစောင့်ရှောက်မှုတွေ လုပ်နေကြတဲ့အချိန် မှာ.. လူသားက အင်မတန် အသိဥာဏ် မြင့်မားပြီး တန်ဖိုး ကြီးပါသည်။ ဒီလို မျိုးဖြုတ်သတ်ဖြတ်ခဲ့ခြင်းက အကြမ်းဖက် လုပ် ရပ် မဟုတ်ဘူးလား ဟု မေးချင်ပါသည်။

ကမ္ဘာ့ငြိမ်းချမ်းရေး ဖြို ခွဲနေသူများမှာ မည်သူများ ဖြစ်သူကို ကမ္ဘာသူ ကမ္ဘာသားများ မှန်မှန်ကန်ကန် သိစေချင်ပါသည်။

ငြိမ်းချမ်းရေး တည်ဆောင်ခြင်း (Peacebuilding)

Building (တည်ဆောင်ခြင်း) ဟု ဆိုလိုက်လျှင် အဓိက အရေးကြီးဆုံး စလုပ်ရမည်မှာ ဖောင်ဒေးရှင်း ဖြစ်သည်။ အ ဆောက်အဦးကြီး တစ်ခုဆောက်ရာတွင် အောက်ခံ foundation သေချာ ခိုင်မာလျှင် မည်မျှမြင့်သည့် အမြင့်ကိုမဆို တက် နိုင်မည် မှန်သော်လည်း အောက်ခံ foundation မခိုင်မာဘဲ၊ မသေသပ်ဘဲ အမြင့်တက်လျှင် မကြာမီ ပြိုလဲကာ ပျက်စီးသွား နိုင်မည် ဖြစ်သည်။

ထို့ကြောင့် ငြိမ်းချမ်းရေး တည်ဆောက်မည် ဆိုလျှင်လည်း အောက်ခံ ဖောင်ဒေးရှင်း ဖြစ်သည့် စိတ်ဓာတ် နှင့် နီယတ် (ရည် စူးချက်) ကို ဦးစွာဖြူစင် ခိုင်မာစွာ ချဖို့ လိုအပ်ပေသည်။  စိတ်ဓာတ် မဖြူစင်ပါဘဲလျှက် နီယတ် မမှန်ကန်ပါဘဲလျှက် လုပ် ဆောင်သော အလုပ်မှန်သမျှ မအောင်မြင်နိုင်သကဲ့သို့ စိတ်ဓာတ်မကောင်းသော၊ နိယာတ်မမှန်သော လူတစ်ယောက် ၏ ဘဝသည်လည်း ငြိမ်းချမ်းသာယာနိုင်မည် မဟုတ်ပေ။

ထို့ကြောင့် ငြိမ်းချမ်းရေး တည်ဆောက်လိုသူများသည် စိတ်ဓာတ်ဖြူစင်အောင်၊ နိယာတ် (ရည်စူးချက်) မှန်ကန်အောင် ဦး စွာ ကျင့်ဆောင်ရပါမည်။

ကျွန်မတို့ရဲ့ ဂရုဏာရှင် တမန်တော်မြတ်ကြီး(ဆွ) ကလည်း “လုပ်ရပ်ဟူသရွေ့သည် နိယတ် (ရည်စူးချက်) ပေါ် မူတည် သည်” ဟု မိန့်ဆိုခဲ့ပေသည်။

ထိုသို့ ငြိမ်းချမ်းရေး တည်ဆောက်ရာတွင် အခြေခံအားဖြင့်…

(၁) တစ်ဦးချင်း (Individual)
(၂) မိသားစု (Family)
(၃) အဖွဲ့အစည်း (Community)
(၄) နိုင်ငံ (National) ဟူ၍ အဆင့် ၄ ဆင့် ခွဲနိုင်ပါသည်။

တစ်ဦးချင်း ငြိမ်းချမ်းရေး တည်ဆောင်ခြင်း


မိမိ၌ ရှိသင့်ရှိထိုက်သည်ထက် ပို၍ ရှိနေသည့် လောဘ၊ ဒေါသ၊ မောဟ ၊ မာန်မာန နှင့် ငါဟူသော အတ္တဇွဲတို့စွဲကပ်နေသမျှ မိမိ၏ စိတ်နှလုံးသည် ဖြူစင် ငြိမ်းချမ်းမည် မဟုတ်ပေ။ မိမိ၏ နှလုံးသား မငြိမ်းချမ်းသည့်အတွက် နီယတ် မမှန်ကန်ဘဲ လက်တွေ့ဘဝပါ ငြိမ်းချမ်းနိုင်တော့မည် မဟုတ်ပေ။ ထို့ကြောင့် မိမိ၏ နှလုံးသား ငြိမ်းချမ်းရန် (Internal Peace) နှင့် လက်တွေ့ ဘဝ ငြိမ်းချမ်းရန် (External Peace) အတွက် ကိုယ်ကျင့်တရား (Morality) ကို အစ္စလာမ့် လမ်းညွှန်ချက်များ နှင့်အညီ တည်ဆောင်ကြရမည်ဖြစ်သည်။

ထိုအခါမှသာ ခန္ဓာကိုယ်တွင်း ငြိမ်းချမ်းရေး ( Internal Peace) ခန္ဓာပငြိမ်းချမ်းရေး ( External Peace) ကို ရလာမည် ဖြစ် သည်။

“ဧကန်စင်စစ် အလ္လာဟ်အရှင်မြတ်သည် တရားမျှတရန် ၄င်း၊ ကောင်းမွန်စွာ ကျင့်မူဆောက်တည်ရန်၎င်း၊ ဆွေမျိုးသားချင်း တို့ကို ထောက်ပံ့ရန်၎င်း၊ အမိန့်ပေးတော်မူလေသည်။ ၄င်းပြင် စက်ဆုပ်ရွံ့ရှာဖွယ်ရာများမှ၎င်း၊ မကောင်းမှုများမှ၎င်း၊ မတ ရား ကျူးလွန်မှုများမှ၎င်း၊ တားမြစ်လေသည်။” (ကျမ်းမြတ်ကုရ်အာန် ၁၆း၉၀)

အောက်ဖော်ပြပါ တမန်တော်မြတ်၏ ဟဒီးစ်တော်များလည်း ရှိပါသည်။

"မွတ်စလင်မ်တစ်ယောက်၏ နှုတ်လျှာနှင့် လက်မှ ငြိမ်းချမ်းစေခဲ့မည်ဆိုလျှင် ထိုသူသည် အကောင်းဆုံး မွတ်စလင်မ်ဖြစ် သည်။"
"အလ္လာဟ်အရှင်မြတ်သည် အသင်တို့၏ ပစ္စည်းဥစ္စာ၊ ရွှေ၊ ငွေ၊ ရတနာနှင့် အသင်တို့၏ ကိုယ်ကာယကို ကြည့်တော်မူမည် မဟုတ်၊ အသင်တို့၏ စိတ်နှင့် အကျင့်သီလများကိုသာ ကြည့်တော်မူမည်ဖြစ်သည်။"

မိသားစုတွင်း ငြိမ်းချမ်းရေး တည်ဆောင်ခြင်း

မိသားစုထဲတွင် တစ်ဦးနှင့်တစ်ဦး အတ္တစွဲများထားရှိမှုကြောင့် အိမ်တွင်းပဋိပက္ခများနှင့် အိမ်တွင်းပြသနာများ ဖြစ်ပွါးမှု ကြောင့် မိသားစုတွင်း ငြိမ်းချမ်းရေး ပျောက်ဆုံးသွားစေနိုင်ပါသည်။ ထို့ကြောင့် မိသားစုတွင်း ငြိမ်းချမ်းရေး တည်ဆောက် လိုလျှင် သဘောထားကြီးမှု၊ တစ်ယောက်ပေါ် တစ်ယောက် နားလည် ခွင့်လွှတ်တတ်မှု၊ ငါဟူသော အတ္တစွဲများ ချွတ်ဖို့ အ ထူးပင် လိုအပ်ပါသည်။ ထိုသို့ ကျင့်ကြံဆောင်ရွက်နိုင်မှသာ၊ ချစ်ခြင်းမေတ္တာဖြင့် နှောင်ဖွဲ့ထားသော ပျော်ရွှင်ချမ်းမြေ့သည့် မိသားစုဘဝရရှိနိုင်မည် ဖြစ်ပြီး မိသားစုတွင်း ငြိမ်းချမ်းရေး တည်ဆောက်နိုင်မည် ဖြစ်သည်။

အဖန်ဆင်းခံ ဟူသမျှသည် အလ္လာဟ်အရှင်မြတ်၏ အိမ်ထောင်စုကြီး ဖြစ်သည်။ အလ္လာဟ်အရှင်မြတ် နှစ်သက်တော်မူဆုံး သော ဖန်ဆင်းခံသည် ထို အိမ်ထောင်စု၏ အကျိုးကို အကောင်းဆုံး ဆောင်ရွက်သူဖြစ်သည်။ ( မစ်ရ်ှကားသ် ဟဒီးစ် အ မှတ် ၄၇၃၂)

ငယ်သူကိုမသနား၊ ကြီးသူကိုမရိုသေ၊ ကောင်းမှုကို မညွှန်ကြား၊ မကောင်းမှုကို မမြစ်တားသူသည် ငါတမန်တော်၏ အုပ်စု ဝင်မဟုတ်။ (မစ်ရ်ှကားသ် ဟဒီးစ် အမှတ် ၄၇၈၁)

အဖွဲ့အစည်းကြား ငြိမ်းချမ်းရေး တည်ဆောင်ခြင်း

အဖွဲ့အစည်းကြားတွင်  စည်းလုံးမှုမရှိပါက ပဋိပက္ခများ၊ ပြသနာများ၊ ဖြစ်လာနိုင်ပါသည်။ တစ်ယောက်အပေါ်တစ်ယောက် အပျက်သဘောဆောင်သည့် ဆက်ဆံရေးမျိုးထားရှိခြင်း၊ စိတ်နေသဘောထားမတူညီခြင်း၊ မှန်ကန်မျှတမှု မရှိခြင်း တို့ ကြောင့် အဖွဲ့အစည်းများကြားတွင် စည်းလုံးမှု ပြိုကွဲကာ ငြိမ်းချမ်းမှု ရလာမည် မဟုတ်ပေ။ ထို့ကြောင့် အဖွဲ့အစည်းကြား ငြိမ်းချမ်းရေးတည်ဆောက်လိုပါက အဖွဲ့ဝင်အချင်းချင်း စည်းစည်းလုံးလုံးရှိအောင် နေထိုင်ရပေမည်။ သဘောထား မတိုက် ဆိုင်လျှင်လည်း အပြုသဘောဆောင်သော ဆက်ဆံရေးမျိုးထားရှိကာ၊ စိတ်နေသဘောထား မတူညီမှုများကို ညှိညှိနှိုင်းနှိုင်း ဖြင့် သူ့ဘက်ကိုယ့်ဘက် မျှတွေးကာ ကိုယ်ချင်းစာတရားထားပြီး နေထိုင်နိုင်မှသာ အဖွဲ့အစည်းများကြား ငြိမ်းချမ်းမှုကို တည်ဆောင် နိုင်မည်ဖြစ်သည်။

“လူသားများသည် လူ့အဖွဲ့အစည်း၏ အဖွဲ့ဝင် ညီနောင်များဖြစ်သည်” (ကျမ်းတော်မြတ်ကုရ်အာန် ၂း၂၁၃)

“အသင်တို့သည် တစ်စုတစ်စည်းတည်း၊ အလ္လာဟ်အရှင်မြတ်၏ ကြိုးတော်ကို စွဲမြဲစွာ ဆွဲကိုင်ထားကြလေကုန်၊ ထို့ပြင် အ သင်တို့သည် အချင်းချင်း သွေးမကွဲကြကုန်လင့်” (ကျမ်းတော်မြတ်ကုရ်အာန် ၃း၁၀၃)

နိုင်ငံတွင်း ငြိမ်းချမ်းရေး တည်ဆောင်ခြင်း

နိုင်ငံတစ်နိုင်ငံတွင် တရားမျှတမှု၊ တရားဥပဒေစိုးမိုးမှုများရှိလျှင်၊ လူမှုရေးလုပ်ငန်းများ၊ အချင်းချင်း ပူးပေါင်းဆောင်ရွက်မှု များရှိလျှင်၊ ထိုနိုင်ငံအတွင်းရှိ လူအချင်းချင်း သင့်မြတ်မှု ရှိကာ ထိုနိုင်ငံ၏ ငြိမ်းချမ်းရေးကို အားလုံးပါဝင်ကာ အတူတကွ တည်ဆောက်နိုင်မည်ဖြစ်သည်။

“အလ္လာဟ်အရှင်မြတ်သည် လောကအလှဆင်သူ၊ ကောင်းကျိုးပြုသူ၊ ကုသိုလ် တရားပွားများသူများကို နှစ်သက်တော်မူ သည်။” (ကျမ်းတော်မြတ်ကုရ်အာန် ၂း၁၉၅)

“ကမ္ဘာမြေပေါ်ဝယ် ပျက်စီးရာ ပျက်စီးကြောင်းကို မလုပ်ကြကုန်နှင့်။” (ကျမ်းတော်မြတ်ကုရ်အာန် ၇း ၁၄၂)

“မကောင်းမှုနှင့် ကောင်းမှုတို့မှာ တူညီကြသည် မဟုတ်ပေ။ သို့ဖြစ်ပေရာ အသင်သည် မကောင်းမှုကို ကောင်းမှုဖြင့် ခုခံ တွန်းလှန်ပါလေ”(ကျမ်းတော်မြတ်ကုရ်အာန် ၄၁း၃၄)

“လူသားတို့အား ကြင်နာသနားမှု မထားရှိသောသူကို အလ္လာဟ်အရှင်မြတ် ကလည်း သနားကြင်နာတော် မူမည်မဟုတ်” (မစ်ရ်ှကားသ်ဟဒီးစ်အမှတ် ၄၇၂၈)


လူသား အကျိုးပြု လုပ်ငန်းနှင့် ဘာသာပေါင်းစုံ ချစ်ကြည်ရေး

အစ္စလာမ်ဆိုတာ နှုတ်မှ တဖွဖွ ပြောနေကြသည့် ကျွန်မတို့ မွတ်စလင်မ်များသည် Globalization ဆိုတဲ့ခေတ်ကြီးထဲမှာ ဆွ လာသ်၊ ဆွီယာမ်၊ ဇကားသ်၊ ဟဂ်ျ ဆိုတဲ့ တာဝန်တွေ ကျေပွန်အောင် ဆောင်ရွက်တာ ကောင်းမြတ်ပါသော်လည်း ဤမျှနှင့် တင်းတိမ်မနေကြဘဲ အစ္စလာမ့် ငြိမ်းချမ်းရေးတရား ပိုမိုပေါ်လွင်လာစေဖို့ ၊ အစ္စလာမ့်ဂုဏ်ရောင် တောက်ပြောင်စေဖို့ ကျမ်း မြတ်ကုရ်အာန်နဲ့ တမန်တော်မြတ်(ဆွ) ရဲ့ သြဝါဒလမ်းညွှန်မှု တွေနဲ့အညီ မိမိပတ်ဝန်းကျင်၊ မိမိနေထိုင်ရာဒေသ၊ မိမိတို့နဲ့ အေးအတူ ပူအမျှ ယှဉ်တွဲနေထိုင်ကြတဲ့ လူမျိုးဘာသာအသီးသီးတို့၏ ဘဝလှပစေရန်၊ ဟန်ချက်ညီစွာဖြင့် ငြိမ်းချမ်းစွာ အတူ ယှဉ်တွဲနေထိုင်ကြရပါမည်။ ထို့ပြင် မိမိတတ်နိုင်သည့်ဘက်မှ ဝိုင်းဝန်း ကူညီစောင့်ရှောက်ကြရပါမည်။ မေတ္တာတရား ကို ရှေ့တန်းတင်ပြီး လူသားအကျိုးပြုတာဝန်များကိုလည်း မဆုတ်မနစ်သော ဇွဲတို့ဖြင့် ဝိုင်းဝန်းကူညီ လုပ်ဆောင်ကြရပါ မည်။

လူသားအကျိုးပြု ဆောင်ရွက်ချက်များကို ကြည့်မည်ဆိုလျှင်
-ရန်ကုန်မြို့ ဘားလမ်းရှိ မွတ်စလင်မ် ကုသိုလ်ဖြစ်ဆေးရုံ ဆောက်လုပ်ခြင်း၊
-ကလကတ္တားမြို့ မြန်မာဘုန်းတော်ကြီးကျောင်းအနီးတွင် မွတ်စလင်မ်ဆေးရုံကြီးတစ်ခု ဆောက်လုပ်ထားခြင်း၊
-အိန္ဒိယနိုင်ငံရှိ အခြားမြို့များတွင်လည်း မွတ်စလင်မ် ကုသိုလ်ဖြစ် ဆေးရုံများ ဆောက်လုပ်ထားခြင်း၊
-ပျဉ်းမနားဟာဂျီဒေါ်ပုမှ ရန်ကုန်မြို့တွင် ထိုခေတ် ထိုအချိန်ကငွေတန်ဖိုးဖြင့်ပင် သိန်းပေါင်းများစွာ အကုန်အကျခံကာ ဆီး နှင့် ကျောက်ကပ်ဆေးရုံကို ဆောက်လုပ် လှူဒါန်းထားခြင်း၊
-တမန်တော် မွေးနေ့အထိမ်းအမှတ်ဖြင့် မျက်ကြည်လွှာ လှူဒါန်းခြင်း၊ သွေးလှူဒါန်းခြင်း များ ပြုလုပ်ခြင်း နှင့် အခြားသော လူသားအကျိုးပြုလုပ်ငန်းများလည်း လုပ်ဆောင်ကြပါသည်။

ထို့ပြင် ဘင်္ဂလားဒေ့ရ်ှနိုင်ငံမှ ဒေါက်တာယူနွတ်စ်သည် ၂၀၀၇ ခုနှစ်အတွက် စီးပွါးရေးနှင့် ပက်သက်သော ငြိမ်းချမ်းရေး နို ဘယ်ဆု (Noble Prize) ကို ရရှိခဲ့ပါသည်။ ဒေါက်တာယူနွတ်စ်သည် ဘဏ်လုပ်ငန်းလုပ်ကိုင်ပြီး ငွေကြေးမတတ်နိုင်သော သူများကို အတိုးမယူဘဲ ငွေထုတ်ချေးပေး၍ လူသားများ၏ ဘဝတိုးတက်မြင့်မားအောင် မြှင့်တင် ဆောင်ရွက်ပေးခဲ့ခြင်း ကြောင့် တစ်ကမ္ဘာလုံး အသိအမှတ်ပြုသည့်ဆုကို ရရှိခဲ့ခြင်း ဖြစ်သည်။

ထို့ကြောင့် ကျွန်မတို့ ခေတ်လူငယ်များ အနေဖြင့်လည်း မိမိတတ်နိုင်သည့်ဘက်မှ လူသားအကျိုးပြုတာဝန်များကို ထမ်း ဆောင်ရမည် ဖြစ်ပေသည်။

စင်စစ် ကမ္ဘာသူ ကမ္ဘာသားတို့၏ အကျိုးကို ဆောင်ရွက်သူသည် အကောင်းဆုံးဖြစ်သည် ဟု တမန်တော်မြတ်ကြီးလည်း မိန့် ခြွေခဲ့ပေသည်။

ဘာသာပေါင်းစုံ ချစ်ကြည်ရေးနှင့် ပက်သက်၍ လူမျိုးမတူ၊ ဘာသာမတူ၊ ကိုယ်းကွယ်မှုမတူသော လူများအကြားတွင် အ ဆင်ပြေစေရန် ဗုဒ္ဓဘာသာ၊ ဟိန္ဒူကျောင်းကန်၊ ခရစ်ယာန်နှင့် ဂျူးဘုရားကျောင်းများ၊ ဗလီဝတ်ကျောင်းတော်များကို မထီမဲ့ မြင် မပြုရမည့် အပြင် သူတစ်ပါး လာရောက်ဖျက်ဆီးလျှင်ပင် ကာကွယ်စောင့်ရှောက်ပေးရမည်။ (၂၂း၄၀) ဆိုသည့် ကျမ်း တော်မြတ်အာယတ်တော်အရ ဘာသာပေါင်းစုံများကြားတွင်  ငြိမ်းချမ်းစွာ အတူယှဉ်တွဲ နေထိုင်စေဖို့ အစ္စလာမ် သာသနာ က သင်ထားကြောင်း သိနိုင်မည်ဖြစ်သည်။

သူတို့ပြောသော အစ္စလာမ်

ပို၍ ပို၍ လေ့လာမိလေလေ အစ္စလာမ်၏ အင်အားက ဓား (အာဏာစက်) တွင် တည်ခြင်း မဟုတ်သည်ကို ကျွန်ုပ် ပိုသိရ လေလေပင် (မဟတ္တမဂန္ဓီ)

“အရှေ့တိုင်းသား တွေးခေါ်ရှင် (မွတ်စလင်မ်) တို့ကား ကမ္ဘာ့စစ်ပြိုင်ဘက်များပင် ရှက်သွေးဖြာသွားစေရသော စစ်ဥပဒေ ကို ပြဋ္ဌန်းပေးခဲ့သည်။ ဘာသာခြားများအပေါ် သဘောထား အလွန်ကြီးခဲ့ကြသည်။ မေတ္တာ ထားခဲ့ကြသည်။ စာနာခဲ့ ကြ သည်။ ဤ မင်္ဂလာတရားများ ပါရှိသော ဥပဒေမျိုးကို မွတ်စလင်မ်တို့ကဲ့ ပြုစုနိုင်အောင် အနောက်တိုင်းသားတို့က နှစ် ၁၀၀၀ ထိ စောင့်စားခဲ့ကြရတယ် ” (အော့ဗ်စထရောင်း)

“အစ္စလာမ် အစစ်အမှန်သာ ကမ္ဘာအား ကယ်တင်နိုင်မည်” ဘားနဒ်ရှော

“အစ္စလာမ်သာသနာတော်၏ ထွတ်မြတ်ခြင်း အကြောင်းတစ်ရပ်သည် လူတို့၏ သဘာဝ စိတ်ဓာတ်နှင့် ကိုက်ညီခြင်းပင် ဖြစ်သည်” (မဟတ္တမဂန္ဓီ)

“ယခုထွန်းကားလျှက်ရှိသော ကမ္ဘာ့ယဉ်ကျေးမှုများသည် မွတ်စလင်မ်တို့၏ ကျေးဇူးပင်ဖြစ်သည်” Dr.K.S.Sita-Ram , M.A.Ph.D

အထက်ပါ ပုဂ္ဂိုလ်ကျော်များက အစ္စလာမ်သည် ငြိမ်းချမ်းသော သာသနာဖြစ်ကြောင်း တစ်ညီတစ်ညွတ်တည်း လက်ခံနေ ကြကြောင်း ပေါ်လွင်နေပါသည်။ ဘက်ပေါင်းစုံ၊ ရှုထောင့်ပေါင်းစုံ မှသည် ဂရုဏာတရား၊ စာနာခြင်းတရား၊ ညီညွတ်မှုများ ၊ လူသားဆန်မှုများကို သင်ကြားထားသော သာသနာမှာ ပြီးပြည့်စုံသော အစ္စလာမ် သာသာနာပင်ဖြစ်ပေသည်။

References
ကျမ်းမြတ်ကုရ်အာန် ဘာသာပြန် ဃာဇီမုဟမ္မဒ်ဟာရှင်။
The Light of Islam (ကမ္ဘာ့အလင်း)
ကမ္ဘာ့စံပြ တမန်တော် (ဝါးခယ်မ မောင်မင်းနိုင်)
"ငြိမ်း" သင်တန်းမှ သင်ကြားပို့ချ ချက်များ (30.1.2007-3.2.2007)

MMSY မှ noble ၏ ပိုစ်အား ကူးယူ ဖော်ပြသည်...

Credit: Noble
Source: MMSY